Жыл башынан бери өлкө боюнча кызамык менен ооругандардын саны 6 миң 102ге жетип, 9 адам каза болду. Бул тууралуу Саламаттык сактоо министрлиги билдирди.

Маалыматта айтылгандай, кызамыктан көзө жумгандардын алтоо бир жашка чейинки ымыркайлар болгон. Алар жашы жетпегендиктен эмделген эмес.

Кызамык оорусу төмөнкү аймактарда катталган:

• Бишкек шаары — 3 791 учур;
• Ош шаары — 384 учур;
• Чүй облусу — 755 учур;
• Ош облусу — 478 учур;
• Талас облусу — 156 учур;
• Жалал-Абад облусу — 196 учур;
• Баткен облусу — 131 учур;
• Ысык-Көл облусу — 93 учур;
• Нарын облусу — 118 учур.

Министрлик ооругандардын 94%ы эмделбеген жарандар экендигин билдирди.

“Кызамык боюнча эпидемиялык кырдаалга жооп катары, өлкө боюнча 9 айдан 7 жашка чейинки 906 миңден ашуун балага эки этаптуу иммунизация жүргүзүлгөн. Бирок, карабастан, кызамык жана кызылчага каршы пландуу эмдөөлөрдөн баш тартуу деңгээли жогору бойдон калууда”,- деп айтылат маалыматта.