Кыргызстанда маңзат ташыган топ кармалды. Бул тууралуу Ички иштер министрлигинен маалымдашты.
Маалыматка караганда, ИИМ менен Улуттук коопсуздук боюнча мамлекеттик комитеттин биргелешкен операциясынын жыйынтыгында маңзат каналын уюштурган адамдар кармалып, 274 килограмм гашиш жана 3,5 килограмм метамфетамин алынды. Учурда бул факты боюнча сотко чейинки тергөө иштери башталды.
Мындан тышкары Жалал-Абад облусунда баңгизат даярдаган топ аныкталган. Маалыматка караганда, Токтогул районундагы үйлөрдүн биринде маңзат даярдаган жабдуулар жана 87 килограмм гашиш, 17 килограмм марихуана табылган.
