Кыргызстан Азербайжандын Хыдырлы айылына мектеп куруп берет. Бул тууралуу президенттин маалымат кызматы кабарлады.

Бүгүн Садыр Жапаровдун иш сапарынын учурунда окуу жайдын пайдубалына капсула салынды.

Мектеп Азербайжан элине Кыргызстан элинин белеги катары курулат.

Эки кабаттуу мектеп 22 окуу кабинетине ылайыкталган. Окуу жайда спорттук жана жыйындар залдары, китепкана, лабораториялар, ошондой эле информатика жана баштапкы аскердик даярдык кабинеттери болот. Мектептин аймагында спорт аянтчасы, эс алуу жайы жана откана курулат.

Биздин Телеграм каналга катталыңыз