Кыргызстандын аймагына жасалма паспорт менен кирип, “Хизбут-Тахрир” диний экстремисттик уюмдун иш аракеттерин жетектеп жүргөн чет өлкөнүн жараны кармалды. Бул тууралуу Улуттук коопсуздук мамлекеттик комитети билдирет.
Маалым болгондой, ал коңшу мамлекеттердин биринде “Хизбут-Тахрир” диний экстремисттик уюмуна катышкандыгы үчүн эл аралык издөөдө жүргөн.
Бул факты Кылмыштардын жана жоруктардын бирдиктүү реестрине катталып, кармалган адамга карата сотко чейинки өндүрүш башталды. Учурда шектүү Бишкектин №1-Тергөө камак жайына киргизилди.
