Кечээ, 17-февралда Ысык-Көл районунда жол кырсыгы катталып, ичиндеги жүргүнчүлөрү жаракат алып, ооруканага жеткирилди. Бул тууралуу жол кыймылынын коопсуздугун камсыздоо бөлүмүнөн билдиришти.
«Окуя 17-февралда саат 16:45 чамасында Семёновка жана Ананьево айылдарынын ортосунда болгон. Бишкек шаарынын тургуну 1954-жылы туулган К.Д. жүргүнчү ташуучу «Мерседес-Бенц» үлгүсүндөгү микроавтобусту башкарып бара жаткан учурда жолго үйүр жылкы чыга калган. Айдоочу алардан качам деп жол жээке чыгып кетип, бакты сүзүп алган. Унаанын ичиндеги 4 адам жаракат алган. Алар Ананьво айылдык ооруканага жеткирилди. Кырсыкка кабылган унаа Бишкек—Каракол каттамындагы маршрут болгон. Ал Бишкектен Караколго бара жаткан», — деп жазылат маалыматта.
