Үч тонна мандаринди мыйзамсыз алып бараткан аткезчилер кармалды. Бул тууралуу Улуттук коопсуздук мамлекеттик комитетинин басма сөз кызматынан билдиришти.
Маалыматка ылайык, 26-мартта УКМК жана «Баткен» бажысынын биргелешкен аракетинин натыйжасында жергиликтүү тургундардын контрабандалык иш-аракеттерине бөгөт коюлган. Анда аталган адамдар 3 тоннадан ашуун салмактагы мандаринди өткөрүү пункттунан айлантып алып өтүп, Кыргызстандын базарларына сатышмак. Аткезчилер төлөгүсү келбеген Бажы төлөмдөрүнүн суммасы болжолдуу 50 миң сом.
Ошондой эле, Баткен облусунун Миң-Булак айылынан котрабандалык жол менен ташылып келе жаткан 3 тонна жүк кармалган. Аны Баткен облусунун тургуну «Д.Н.М.»аттуу тургун Mercedes-Benz Sprinter үлгүсүндөгү унаасы менен алып келе жаткан. Учурда кармалган жүктүн базар баасы жана төлөнө турган бажы алымдарын белгилөө иштери жүрүүдө.
Аталган иштер боюнча тергөө башталып, тиешелүү чаралар көрүлүүдө.
