Өкмөт башчы Мухаммедкалый Абылгазиев темир жол жумушчуларын кесиптик майрамы менен куттуктады.
Быйыл Кыргыз темир жолунун 95 жылдыгы.
«Туура 95 жыл мурда, 1924-жылы 8-августта Пишпек станциясына биринчи каттам келгендигин кубануу менен белгилөөгө болот. Ушул күндөн тартып Кыргыз темир жолунун тарыхы башталат, ал биздин мамлекеттин тарыхый окуялары менен тыгыз байланышта: 1924-жылы биринчи ирет Кыргыз автономиялуу облусу кыргыз элинин улуттук-аймактык түзүлүшү түзүлгөн», — деди ал.
Абылгазиев темир жол транспорту өлкө жашоосунда ар дайым өзгөчө орунду ээлеп келерин айтты.
«Буга байланыштуу белгилей кетсем, 90-жылдардагы өткөөл мезгилдин кыйын шарттарында ушул тармактын жумушчуларынын берилгендиги жана эмгекчилдиги аркылуу гана темир жолду сактап калууга мүмкүн болду», — деп белгиледи.
