Дүйнөнүн эң бийик чокусу – Эверестти багындырган Асел Байбагышева жана Рысгүл Акимжановага Жогорку Кеңештин Ардак грамотасы жана Ыраазычылык каты тапшырылды. Бул тууралуу парламенттин маалымат кызматы билдирди.

Грамоталар бүгүн, 4-июнда өткөн Жогорку Кеңештин айым депутаттар форумунун кезектеги жыйынында тапшырылды.

Анда айым депутаттар кыргыздын эки айымы Эверестти багындырып, өлкөнүн желегин желбиретип келгени үчүн ыраазычылыгын билдирип куттукташкан.  Ошондой эле кыргыздын кыйын кыздарынын тизмеси Асел Байбагышева жана Рысгүл Акимжанова менен толукталганын билдиришкен.