Кыргызстандын хоккей боюнча улуттук курама командасы 3-апрелден тарта 2025-жылкы дүйнө чемпионатынын оюндарына даярдыктарды баштады.
Машыгуу «Бишкек Арена» муз аянтында өтүп, 20-апрелге чейин уланат.
Кыргызстан курама командасынын кеңейтилген курамына 25 оюнчу чакырылып, алардын 20сы турнирдин акыркы курамына киргизилет. Командага Кыргызстандын, Россиянын, Польшанын, Чехиянын жана Канаданын клубдарынан оюнчулар чакырылган.
Быйыл кыргызстандыктар 21-27-апрель күндөрү Стамбулда (Түркия) өтө турган үчүнчү күчтүү дивизиондо (А тайпасы) күч сынашат.
Кыргызстандын командасынын атаандаштары Босния жана Герцеговина, Түштүк Африка, Люксембург, Түркмөнстан жана Түркиянын командалары болмокчу.
1-орунду ээлеген команда экинчи дивизионго (Б тобу) жолдомо алат.
2024-жылы Кыргызстандын курама командасы Дүйнө чемпиондугунун матчтарын Бишкекте өткөрүп, бирок Таиланд курамасына 1-орунду уттуруп жиберген.
Биздин Телеграм каналга катталыңыз