Сугат сууну министрлик менен жергиликтүү бийлик уюштуруп бере албай койду. Бул туурасында Президент Садыр Жапаров жергиликтүү өз алдынча башкаруу органдарынын республикалык кеңешмесинде билдирди.
Ал “быйыл аба ырайы ысык болуп, сугат сууда таңкыстык жаралып дыйкандарда көйгөйлөр жаралды. Ачыгын айтсак бул маселени чечүүдө Айыл-чарба министрлиги жана жергиликтүү бийлик уюштуруу иштерин тийиштүү деңгээлде жүргүзө алган жоксуңар! Мындан ары мындай көрүнүш кайталанбашы керек. Кайталанса өз арызыңыздарды жазып берип кете бериңиздер” – деди Жапаров.
