Балыкчы-Каракол жолунун 5 –чакырымынан маңзатты мыйзамсыз ташып бара жаткан жаран кармалды. Бул туурасында Ысык-Көл облустук милициядан билдиришти.
Маалыматка караганда, 21-февралдан 22-февралга караган түнү Балыкчы-Каракол жолунун 5 -чакырымында Ысык-Көл облусунун Экстремизмге мыйзамсыз миграцияга каршы аракеттенүү кызматы тарабынан баңги каражаттарды мыйзамсыз ташып бара жаткан шектүү кармалды. Экспертизанын жыйынтыгы боюнча алынган заттар, гашиш баӊги затына кирери жана жалпы салмагы 235 грамм экендиги аныкталды.
Карамалган жаран Түп районунун Байзак айылынын 32 жаштагы Б. уулу К. экени аныкталган.
Аталган факт, учурда Ысык-Көл облустук милицияда катталып, Кылмыш-жаза кодексинин 282-беренеси боюнча кылмыш иши козголду.
