Бишкекте Аялдардын футбол күнүнө арналган фестиваль өтүүдө. Бул тууралуу Кыргызстандын Аялдар футбол ассоциациясы билдирди.

Маалыматка ылайык, фестиваль Кыргыз футбол союзунун футбол борборунда  “Кыздардын колунан баары келет” деген ураан алдында болууда.

Иш-чарага Бишкек, Беловодск жана Ылдыйкы-Чүй шаарларынан 10-15 жаштагы кыздар, ошондой эле Кыргызстандан ар түрдүү тармактардагы (саясат, бизнес, журналистика ж.б.) кыз-келиндер катышууда.

Фестивалга 100дөн ашык катышуучу катышууда. Фестивалдын алкагында түрдүү эстафеталар, сынактар ​​өткөрүлөт.

Эске салсак, 7-мартта Азия футбол конфедерациясы аялдардын футбол күнүн белгилөөнү расмий түрдө бекиткен.