.svg){kind=logo}
“Көчмөн модасы фестивалы. МУУН 2025” 30-31 октябрда өтөтТокмокто технохаб курулат: Санариптик өнүктүрүү министрлиги менен Central Asia Capital меморандумга кол койду«Телеграм» аркылуу ИГИЛ уюмуна тартылган кыргызстандык жаран кармалдыКыргызстанда 73 жаштагы бейтаптын жүрөгүнө уникалдуу операция жасалдыБишкекте Опера жана балет театрында өткөн пилатес сабагы коомдо нааразычылык жараттыЧүй облусунун 100дөн ашык окуучусу «Евразия» паркына барды
Кыргызстанда Жол фондун түзүү демилгеленүүдө
14.06.2021 | 14:40
Бүгүн, 14-июнда парламенттин Бюджет жана каржы комитети «Жол тармагынын иштөөсүнүн каржылык негиздерин бекемдөө маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө» мыйзам долбоорунун концепциясын жактырды. Бул тууралуу Жогорку Кеңештин басма сөз кызматы билдирди.
Мыйзам долбоорунун демилгечилердин бири Нурбек Алимбековдун айтымында, өлкө аймагындагы жолдордун абалын эске алуу менен депутаттар тобу Жол фондун түзүүнү сунуштоодо. Ал үчүн Бюджет менен Салык кодекстерине өзгөртүүлөрдү киргизүү зарыл болот.
Жол фондуна төлөмдөрдүн тарифи кийинчерээк аныкталат. Мыйзам кабыл алынып калса, Жол фонду 2023-жылдан тарта иштеп баштайт. Анда жылына 3 млрд сомго жакын каражат топтолору пландалууда.
