Темиртау шаарында футзал боюнча турнирден кийинки жапырт мушташ боюнча кылмыш иши козголду. Уруштун бардык катышуучулары полиция бөлүмүнө жеткирилди.
Караганды облусунун полиция департаментинин маалымат кызматы билдиргендей, футзал мелдеши Нооруз майрамына карата уюштурулган.
Оюн учурунда эки команданын спортчуларынын бири эрежени бузуп, атаандаш топтун оюнчусун түртүп жиберген. Мындан соң жаңжал тутанган.
Полициячылар кылмыш ишин “Топ киши жасаган бейбаштык” беренеси боюнча каттоого алышкан. Мушташтын эки катышуучсуна соттук-медициналык экспертиза дайындалды. Тергөө уланууда.
Полиция оюндун уюштуруучулары ким экенин айткан жок.
