Ысык-Көл облустук ички иштер башкармалыгынын туристтик-экологиялык милиция кызматкерлери жана коомчулуктун активистери менен бирдикте, браконьердик балык торлорун тазалоо боюнча эки күндүк рейд жүргүзүштү. Бул тууралуу облустук милициянын басма сөз кызматы билдирди.
Маалыматка караганда, тазалоо иштери 29-30-июнь күндөрү Түп районунун Өрүктү жана Ой-Тал айылдарынын көл жээгинде жүргүзүлдү. Иш-чаранын жүрүшүндө милиция кызматкерлер жана коомдун активисттери көлдүн үстүнөн 6000 метр узундуктагы браконьердик балык торун алып чыгышты.
Алынган торлор Балыкчы шаарынын жеке ишканасына кайра иштетүүгө өткөрүлүп берилди.
Мындай иш-чаралар облустун башка райондорунда дагы өткөрүлөт.
