Кыргызстанда быйылкы жарым жылда жарандар 17,4 млрд сомго чакан насыларды алган. Бул тууралуу Улуттук статистика комитетинен билдиришти.

Маалыматка ылайык, насыя алгандардын саны дээрлик 298 миң кишиге жеткен. Былтыркыга караганда кредит алгандардын саны 9,5%га, ал эми берилген насыялар 1,7%га азайган.

Насыянын көбү Бишкек шаарында (18,5%), Ош облусунда (18%), Чүй (16%) жана Жалал-Абад (14%) облустарында берилген.

Чакан насыялардын 42%ы керектөөчүлүк максатта, 28%ы айыл чарбадагы ишмердүүлүк, 12%ы соода жана тамактануу жана 6%ы курулуш иштери үчүн алынган.

Бардык жаңылыктар Телеграм каналда