Кыргызстандын дзюдо боюнча курама командасы 16–18-апрель күндөрү Кытайдын Ордос шаарында өтө турган Азия чемпионатында катышат.

Турнирдин алкагында эркектер жана аялдар арасында жалпы 14 комплект медаль ойнотулат. Мелдеште Кыргызстандын намысын 14 спортчу коргойт, алардын 9у эркек жана 5и аял.

2025-жылы Бангкокто өткөн мурунку континенттик биринчиликте Кыргызстандын курама командасы бир медаль уткан. Эмирхан Жолдошказиев 100 кг жогору салмак ченинде коло байгенин ээси болгон. Ал эми 63 кг чейинки салмакта күчүн сынаган Адина Кочконбаева мелдештин жыйынтыгында бешинчи орунду ээлеп, байгелүү орунга бир кадам жетпей калган.