Бүгүн, 30-сентябрда Биринчи май райондук сотунда билим берүү жана илим министри Алмазбек Бейшеналиевдин баш коргоо чарасы каралат. Бул тууралуу анын жардамчысы Илгиз Султан билдирди.
Ал соттук отурум болжол менен саат 18:00дө башталары айтылганын белгиледи. Ошол эле учурда Биринчи май райондук сотунун басма сөз кызматы Бейшеналиевдин баш коргоо чарасын кароо үчүн материалдар сотко келе электигин билдирди.
Эскерте кетсек, билим берүү министри Алмазбек Бейшеналиев 28-сентябрдын кечинде пара алууга шектелип кармалган. Анын кармалышы чет элдик студенттерди Кыргызстандагы окуу жайларга өткөрүү үчүн пара (110 миң доллар) талап кылуу ишине байланыштуу.
Биздин Телеграм каналга катталыңыз
