Миграттарга жеңилдик болсун деген таризде ЕАЭБге кошулганбыз. Биздин чет жакта иштеп жүргөн мекендештерибиз көп кордуктарды көрүшүүдө. Мындай пикирин бүгүн, 18-декабрда Жогорку Кеңештин жыйынында депутат Зиядин Жамалдинов билдирди.
Ал Жогорку Кеңештин жыйынына Тышкы иштер министрлиги менен Миграция кызматын чакырып, тапшырмаларды берүү керектигин айтты.
«Хабаровск шаарында эмгектенген кыргызстандык айдоочулардын ОМОНдор тарабынан сабалышы. Биз мигранттардын укугун коргой албай жатабыз. Мигранттар Кыргызстандын экономикасына бир топ салым кошуп жатат», — деди Жамалдинов.
Эске сала кетсек, Хабаровск шаарында иштеген 80дей кыргызстандык 12-декабрь күнү кечинде ОМОНдор тарабынан катуу сабалышкан.
