Быйыл өлкө башчы Садыр Жапаров 21-март – Нооруз майрамын Нарын шаарында майрамдайт. Ноорузга карата шаардын борбордук аянтында майрамдык иш-чаралар өткөрүлөт.

Майрамдык программа үч бөлүктөн турат:

• 11:00 – 12:30: маданий иш-чара;
• 15:00 – 17:30: күндүзгү концерттик программа;
• 19:00 – 21:30: кечки шоу-программа.

Майрамдык концертке Кыргызстандын белгилүү эстрада ырчылары катышат. Алардын катарында Бек Борбиев, Элзар Өскөнбаев, Жийдеш, Аскат Мусабеков, Бактияр Токторов, Токтобек Асаналиев жана башкалар бар.

Президенттин Нарындагы өкүлчүлүгү иш-чарага байланыштуу Нарын шаарынын айрым жолдорунда унаа кыймылына чектөөлөр киргизилерин билдирди. Жолдордун айрым тилкелери убактылуу жабылып турат.