Кыргызстандык балбан кыз Айпери Медет кызы (76 кг) Хорватиянын борборунда өтүп жаткан Zagreb Open рейтингдик мелдешинде күмүш байгеге татыды.
Алтын үчүн кармашта ал америкалык Елена Макойед менен күч сынашты. Беттештин биринчи бөлүгүндө америкалык спортчу Макойед Айпери Медет кызынын далысын жерге басып, жеңүүчү болду.
Эскерте кетсек, Айпери Медет кызы 4-февралда килем үстүнө чыгып, таймашты 1/8 финалдан баштаган. Ал биринчи кармашында индиялык спортчу, чейрек финалда канадалык, ал эми жарым финалда кытайлык балбан менен күрөшкөн. Медет кызы үч атаандашынын тең далысын жерге басып, жеңишке жеткен.
Биздин Телеграм каналга катталыңыз
