Бишкекте топ балдар ата менен уулун сабап кеткен. Бул тууралуу Свердлов райондук милициясынан билдиришти.
Маалыматка караганда, 17-мартта болжол менен саат 13:30да райондук милициянын нөмөт бөлүмүнө «Дордой» конушунда топ балдар эки адамды сабаганы тууралуу маалымат түшкөн.
Окуя жерине милиция кызматкерлери барып, ур-токмокко кабылгандар 48 жаштагы А.Н. жана анын 2006-жылы туулган Р.А. аттуу уулу экени аныкталган.
Учурда бул факты каттоого алынып, тергөө амалдары жүрүүдө. Мушташка катышкандар аныкталып, тергөө кызматына жеткирилген. Ошондой эле, тиешелүү экспертизалар дайындалган. Анын жыйынтыгы менен болгон окуяга юридикалык баа берилет.
Видеодон кызыл кийимчен бала ага жабылган балдардан коргонуп жатканын көрүүгө болот. Ошол эле учурда, алдын ала маалымат боюнча, ал баланын атасын башка балдар колунан кармап турат.
Биздин Телеграм каналга катталыңыз
