Жогорку Кеңештин мурадгы депутаты Шайырбек Ташиев кайрадан сурак берди. Бул тууралуу Reporter.kg басылмасына ИИМдеги булактар кабарлашты.

Маалыматка ылайык, Шайырбек Ташиев ИИМге күбө катары суракка байма-бай чакырылууда. Ал учурда бир нече иш боюнча сурак берүүдө.

Эскерте кетсек, 13-мартта Шайырбек Ташиев Ички иштер министрлигинде суракта болгон. Ал кайсы иш боюнча сурак бергени тууралуу маалымат берилген эмес. Кийинки күнү, 14-мартта, Борбордук шайлоо комиссиясы анын депутаттык ыйгарым укуктарын мөөнөтүнөн мурда токтотуу чечимин кабыл алган.

Шайырбек Ташиев – УКМКнын мурдагы жетекчиси Камчыбек Ташиевдин бир тууган иниси.