Милициянын кайгуул кызмат башкармалыгынын кызматкерлери Аламүдүн дарыясына чөгүп кете жаздаган баланы куткарып калышты.
Аталган башкармалыктан маалымдашкандай, окуя 4-август күнү түштөн кийин Бишкек шаарында болгон. Кызмат учурунда патрулчулар дарыяда шар аккан суудан чыгууга аракет кылган баланы байкап, ал бадалдарга, бутактарга жабышып, бирок чыга албай, агымга алып кеткенин көрүшкөн.
Милиция кызматкерлеринин бири сууга секирип, ага жардам берген. Окуя болгон жерге тез жардам кызматы чакырылган.
Эми Жол кыймылынын коопсуздугун камсыздоо башкы башкармалыгы баланын сууга кантип агып кеткенин тактоодо.
Бардык жаңылыктар Телеграм каналда
