Бишкек шаарынын мэринин турак жай-коммуналдык чарба маселелери боюнча орун басары Жыргалбек Шамыралиев муниципалдык лифттерди модернизациялоо боюнча иштердин жүрүшүн текшерди.

Көчмө жыйындын жүрүшүндө “Бишкекшаарлифт” муниципалдык ишканасынын директору Майрамбек Саманчиевге 100 лифтти 2023-жылдын ноябрь айынын аягына чейин алмаштыруу иштерин тездетүү тапшырмасы берилди.

Жалпысынан “Бишкекшаарлифт” ишканасынын өндүрүштүк программасынын алкагында 2023-жылга муниципалдык 100 лифтти алмаштыруу каралган.

Азыркы учурда келишимдин шарттары боюнча 59 лифт алынып, алардын ичинен 47 лифт толугу менен алмаштырылды жана пайдаланууга берилди. Учурда муниципалдык ишкана тарабынан 12 лифтти модернизациялоо иштери жүргүзүлүүдө.

Бардык жаңылыктар Телеграм каналда