“Барселона” футбол клубунун легендарлуу оюнчулары менен “Азия легендалары” командасынын беттеши боло турганына байланыштуу 30-августта саат 14:00дөн баштап бир катар көчөлөр жабылат. Бул тууралуу Патрулдук милиция кызматынын басма сөз кызматы билдирди.

Маалыматка караганда, саат 14.00дөн баштап Бишкектин эки борбордук көчөсүнө тосмо коюлат.

Алар:

– Тоголок Молдо көчөсү Чүй проспектисинен Фрунзеге чейин;

– Фрунзе көчөсү Тоголок Молдодон Панфиловго чейин.

Эске салсак, 30-августта саат 20.00дө Бишкектеги “Спартак” стадионунда “Барселона” футболдук клубунун легендалары менен беттеш болот. Алар “Азия легендасы” командасы менен ойношот.

Биздин Телеграм каналга катталыңыз