Япониянын министрлер кабинетинин башкы катчысы Хироказу Мацуно 7-ноябрда өткөн маалымат жыйынында Кыргызстандын президенти Садыр Жапаров 17-20-ноябрда Японияга иш сапары менен келерин билдирди, деп жазат Nikkei.
Сапар учурунда Жапаров премьер-министр Фумио Кишида менен жолугушуп, император жана императрица менен жолугушууну пландаштырууда.
Мацуно белгилегендей, 2022-жылы Кыргызстан менен Япония дипломатиялык мамилелердин түзүлгөндүгүнүн 30 жылдыгын белгилешет.
«Кыргызстандын президентинин Японияга сапары эки өлкөнүн ортосундагы достук жана кызматташтык мамилелерди мындан ары да тереңдетет деп ишенем», — деди ал.
Жапаров Токиодон тышкары Киото шаарына да барат.
Биздин Телеграм каналга катталыңыз
