Бишкекте Кыргыз ССРинин эл артисти, төкмө акын Калык Акиевдин 140 жылдык мааракесине арналган төкмө акындардын республикалык айтышы өтөт. Бул тууралуу Маданият, маалымат, спорт жана жаштар саясаты министрлиги билдирди.

Айтыш Маданият министрлиги, Кыргыз улуттук “Манас” театры жана Жумгал районунун акимчилиги тарабынан өткөрүлөт. Акындардын таймашынын байге фонду 1 млн сомду түзөт.

Айтыштын тандоо туру 15-ноябрда саат 10:00до К. Молдобасанов атындагы Кыргыз улуттук косерваториясында өтөт. Кирүү акысыз.

Жарым финалдык жана финалдык айтыштар 27-ноябрда Т. Сатылганов атындагы Кыргыз улуттук филармонияда өтүп, саат18:00дө башталат. Билеттин баасы 500 сом.

Биздин Телеграм каналга катталыңыз