Грек-рим балбаны Жоламан Шаршенбеков быйыл үйлөнө турганын билдирди.

Шаршенбеков бүгүн, 13-августта Париждеги Олимпиадага катышкан башка балбандар менен бирге Бишкекке кайтып келди. Борбор калаадагы эски аянтта спортчуларды тосуп алуу иш-чарасы өтүп, андан кийин Тарых музейинде маалымат жыйын уюштурулду.

Маалымат жыйында журналисттердин бири Шаршенбековдун ата-энеси ал жакында үйлөнө турганын билдиргенин айтып, спортчу быйыл үйлөнөбү деген суроо узатты.

Жоламан Шаршенбеков ата-энесинин сөзүн ырастап, “быйыл үйлөнөм” деп кыска жооп берди.