Бишкекте издөөдө жүргөн уюшкан кылмыштуу топтун активдүү мүчөсү кармалды. Бул тууралуу Ички иштер министрлигинен билдиришти.
Ыкчам-издөө иш-чарасы ИИМдин Кылмыш иликтөө башкы башкармалыгынын кызматкерлери тарабынан жүргүзүлгөн. Натыйжада Бишкек шаарынын аймагында Камчы Асанбектин уюшкан кылмыштуу тобунун активдүү мүчөсү катары ИИМдин ыкчам каттоосунда турган Жалал-Абад облусунун тургуну 1984-жылы туулган О.Э. аттуу жаран кармалды.
Кармалган жаран өзгөчө оор кылмышты жаап-жашыруу беренеси менен 2024-жылдын июль айынан бери издөөдө болгон.
Учурда кармалган жаран камакка алынып, кылмыш иши боюнча тергөө улантылууда.
Биздин Телеграм каналга катталыңыз
