Бишкекте белгилүү кыргыз актеру, сүрөтчү Сүймөнкул Чокморовдун 85 жылдыгына карата илимий конференция өтөт. Бул тууралуу Кинематография департаментинен билдиришти.
Иш-чара 5-ноябрда борбор калаадагы №9 музыкалык мектепте өтөт.
Чокморов 1939-жылы 9-ноябрда жарык дүйнөгө келген, 1992-жылы 26-сентябрда көз жумган. Ал СССРдин эл артисти, Кыргыз ССРинин эл артисти, Кыргыз ССРинин эл сүрөтчүсү, Кыргызстандын эмгек баатыры (каза болгодон кийин, 2024-жыл) наамдары менен сыйланган.
Ал «Караш-Караш окуясы», «Жамийла», «Кызыл алма», «Ысык-Көлдүн кызгалдактары» жана башка тасмаларда ойногон.
