Ош шаарында Курманбек Пирманов аттуу жаран алдамчылыкка шектелип кармалды. Бул тууралуу шаардык милициядан билдиришти.
Милициянын маалыматы боюнча, аларга шаар тургуну кайрылып, Курманбек аттуу киши үйүнүн жанындагы документи жок жер тилкеге «мамлекеттик акт жасап берем» деп 300 миң сом алып, алдап качып жүргөнүн билдирген.
Аталган факт «алдамчылык» беренеси менен каттого алынып, шектүү издөөгө алынган.
Иликтөө иштеринин натыйжасында шектүү катары Курманбек П. кармалган.
Милиция Курманбек П.нын ушул сыяктуу башкы фактыларга катышы бар экени аныкталгандыктан, ага алданган жарандар болсо, 0559-44-97-97 же (03222) 4-82-82 номерине кабар берүүсүн суранат.
