Жалал-Абад облусунун Сузак райондук соту 11-мартта алимент төлөөдөн баш тарткан жаранга карата өкүм чыгарып, аны бир жылга эркинен ажыратты. Бул тууралуу Сот аткаруучулар кызматы маалымдады.

Маалыматка ылайык, Сузак райондук сот аткаруучулар бөлүмүнүн өндүрүшүндө А.Л.А. аттуу карызкордон М.М.М. аттуу жарандын пайдасына бир баланы багуу үчүн алимент өндүрүү иши каралган. Карызкор алимент төлөө милдетинен узак убакыт бою баш тартып келгендиктен, сот аткаруучу тарабынан материалдар укук коргоо органдарына жөнөтүлгөн.

Жыйынтыгында сот А.Л.А.ны Кылмыш-жаза кодексинин 178-беренесинин 2-бөлүгү боюнча күнөөлүү деп таап, эркинен ажыраткан.