Коргоо министринин жардамчысы, полковник О.У.Ж. кармалды. Бул тууралуу УКМКдан билдиришти.
Маалыматка ылайык, ал аскер кызматкерлеринен акча алып, алардын кызматтан көтөрүлүүсүнө, дайындалуусуна кол кабыш кылып келген.
Маселен быйыл 25-майда ал министрликтин аймактык бөлүктөрүндө иштеген аскер кызматкерин Бишкектеги райондук комиссариатка которуу үчүн Октябрь райондук комиссариатынын кызматкеринен 100 миң сом алган.
Ага Кылмыш-жаза кодексинин 342-беренесинин 2-бөлүгүнүн 2-пункту (мамлекеттик же муниципалдык кызматтын тутумунда кызмат берүү үчүн пара алуу) боюнча кылмыш иши козголду.
