Бүгүн, 27-февралда президент Сооронбай Жээнбеков Кыргызстан менен Орусиянын эриш-аркак жылынын ачылыш аземине катышуу үчүн Москва шаарына учуп кетти.
Президент Сооронбай Жээнбеков эки күндүк иш сапарынын биринчи күнүндө Орусиянын президенти Владимир Путин менен эки тараптуу жолугушуу өткөрөт, анда кыргыз-орус мамилелеринин азыркы абалы жана келечеги талкууланат.
Ушул эле күнү эки мамлекеттин башчылары Кыргызстан менен Орусиянын эриш-аркак жылынын ачылыш аземине катышат.
Ошондой эле Сооронбай Жээнбековдун Орусиянын премьер-министри Михаил Мишустин жана Коопсуздук кеңешинин төрагасынын орун басары Дмитрий Медведев менен эки тараптуу жолугушуулары пландалган.
Делегациянын курамы:
- Тышкы иштер министри Чынгыз Айдарбеков;
- Президенттин Аппаратынын тышкы саясат бөлүмүнүн башчысы Данияр Сыдыков;
- Кыргызстандын Орусиядагы атайын жана ыйгарым укуктуу элчиси Аликбек Жекшенкулов;
- Жогорку Кеңештин төрагасынын орун басары Мирлан Бакиров;
- Вице-премьер-министр Эркин Асрандиев;
- Жогорку Кеңештин депутаттары Канатбек Исаев, Марат Аманкулов, Тынчтык Шайназаров, Евгения Строкова, Талант Мамытов, Бактыбек Турусбеков, Гүлнара-Клара Самат;
- Коопсуздук кеңешинин катчысы Дамир Сагынбаев;
- Президенттин Аппаратынын жетекчисинин биринчи орун басары Алмаз Кененбаев;
- Маданият, маалымат жана туризм министри Азамат Жаманкулов бар.
