Кыргызстандын Москвадагы элчиликке эркек киши оозун тигип алып барган. Ал саясатчы Садыр Жапаровду абактан чыгаруусун талап кылган. Бул тууралуу Mash телеграмм каналы маалымдады.

Саламан уулу Жаныбек ал өзү оозун тигип алып, жалгыз митингге чыккан. Ал плакатка « Садыр Жапаровго боштондук, мен өлкөм үчүн ачкачылык жарыялайм, жаркын келечек үчүн» деп жазып алган.

Элчиликтин алдында Саламан уулун милиция кызматкерлери алып кетишкен.

Эске салсак, Садыр Жапаров 2013-жылы Караколдо өткөн митингде Ысык-Көлдүн ошол кездеги губернатору Эмилбек Каптагаевди «барымтага алган» деген айып менен 11 жыл алты айга кесилген. Өткөн жылдын апрель айында Жогорку сот анын жаза мөөнөтүн 1,5 жылга кыскартып, он жылын калтырган.