Баткендин Раззаков шаарында 31 сотых жер мамлекетке кайтарылды. Бул тууралуу УКМКдан билдиришти.
Маалым болгондой, аталган жер «Додосян көчөсү 77» дарегинде жайгашкан. Мурда ал жерде коомдук мончо иштеп келген. 2000-жылы ал бир ишкер тарабынан мыйзамсыз менчиктештирилип кеткен. Кийин мончо өз багыты боюнча колдонулбай, бара-бара бузулуп, иштетилбей калган.
УКМК жердин азыркы ээси аны өз ыктыяры менен Раззаков шаарынын мэриясына кайтарганын билдирди.
