Тышкы иштер министри Жээнбек Кулубаев 19-20-февраль күндөрү Кувейтке расмий сапары менен барат. Бул тууралуу ТИМден билдиришти.
Кулубаев Кувейтке өлкөнүн тышкы иштер министри Абдулла Али Аль-Яхьянын чакыруусу менен барат.
Сапардын алкагында тышкы иштер министрлери эки өлкөнүн саясий, соода-экономикалык, маданий-гуманитардык кызматташтыгын, ошондой эле эл аралык уюмдардын алкагында иштешүү маселелерин талкуулайт.
Ошондой эле Кулубаев бир катар мамлекеттик органдардын жана мекемелердин жетекчилери менен эки тараптуу жолугушууларды өткөрөт.
