Кыргызстандын эркин күрөш боюнча балбандары Албанияда өтүп Muhamet Malo рейтингдик мелдешинин биринчи күнүндө 3 медаль утту.
Мелдеш 26-февралда Тирана шаарында эркин күрөш боюнча таймаштар менен башталды.
Турнирдин биринчи күнүндө кыргызстандык 10 балбан килемге чыгып, алардын үчөө байгелүү болду.
65 кг салмакта Тайырбек Жумашбек уулу финалга чейин жетип, бирок атаандашына жеңилип, күмүш байге тагынды. Ушул эле салмакта Билол Шарип уулу коло утту.
Ошондой эле 57 кг салмакта Алмаз Сманбеков колого татыды.
Эскерте кетсек, 26-февралда башталган Muhamet Malo рейтингдик мелдеши 2-мартта жыйынтыкталат. Бүгүн мелдештин экинчи күнүндө кыргызстандык спортчулар күрөшпөйт.
