Ош облусунун Кара-Суу райондук милициясынын убактылуу кармоочу жайында кармалып турган шектүү өз жанын кыйган. Бул тууралуу Ош облустук милициясы кабарлады.

Маалыматта айтылгандай, окуя 14-март күнү болгон. Убактылуу кармоочу жайда мал уурдоого шектелип камакта жаткан 42 жаштагы С.А. асынып каза тапкан.

Учурда бул окуя боюнча экспертизалар дайындалып, иликтөө жүрүп жатат.

Милиция билдиргендей шектүү коңшу өлкөлөрдүн биринде адам өлтүрүүгө шектелип, эл аралык издөөгө алынганы аныкталган.