Министрлер кабинетине караштуу эки мамлекеттик агенттиктин директорлорунун орун басарлары кызматтарынан бошотулушту. Бул тууралуу министрлер кабинетинин маалымат кызматы билдирди.
Тиешелүү чечимдерге өкмөт башчы Адылбек Касымалиев кол койгон.
Маалыматка ылайык, Алмамбет Касымбеков башка ишке өткөндүгүнө байланыштуу Жеке маалыматтарды коргоо боюнча мамлекеттик агенттигинин директорунун орун басары кызматынан бошотулду.
Ошондой эле Бакытбек Шералиев Транспорт каражаттарын жана айдоочулук курамды каттоо боюнча мамлекеттик агенттиктин директорунун орун басары кызматынан бошотулду.
