Транспорт каражаттарын жана айдоочулук курамды каттоо боюнча мамлекеттик борбордун маалыматына ылайык, 6-апрелден тарта Бишкек шаарында айдоочулук күбөлүк алуу үчүн теориялык экзамендер жаңы дарек боюнча өткөрүлө баштайт.

Буга чейин экзамендер Чокон Валиханов көчөсү, 2/3 дарегинде жайгашкан Чыгыш бөлүмүндө кабыл алынып келген. Эми талапкерлер Фатьянов көчөсү, 170а дарегине барышы керек. Багыт — Горький көчөсү, 142.

Борбордон белгилешкендей, экзаменге мурунку дарек боюнча жазылып койгон жарандар өздөрүнө белгиленген күнү жана убактысында жаңы дарекке келиши зарыл.