УКМК Тажикстандан Кыргызстанга 4 миң 500 даана дары-дармекти мыйзамсыз алып өтүүгө аракет кылган кыргыз жараны кармалганын билдирди.

Маалыматта айтылгандай, кармалган жаран Индияда чыгарылган Plastomet-50, Candiblotic, Herpinize-250, Herpinize-500, Galcyclovir дарыларын Баткендин Кара-Бак айылынын чек ара тилкесинде Кыргазстанга алып өтүүгө аракет кылган.

УКМК дарылардын баасы 3 млн сомдон аша турганын, алардын эч кандай коштомо документтери болбогонун жана алар Баткен жана Ош облустарында сатуу үчүн алынып келгенин билдирди.

Аталган факт боюнча Кылмыш-жаза кодексинин 231-беренесинин (экономикалык аткезчилик) негизинде кылмыш иши козголгон.