Ош шаарында Ак-Буура дарыясынын жээгине веложол, сейил бак курулат. Мындай тапшырманы мэр Жанарбек Акаев бир катар жетекчилер менен аталган дарыянын жээгинде жүргүзгөн рейд учурунда айтты.

Долбоордун алкагында жээктин 7 чакырым аралыгына веложол жана тротуар курулат. Ошондой эле 10 гектардан ашык аймак көрктөндүрүлөт жана жашылдандырылат. Мындан тышкары дарыянын жээгине сейил бактар жана скверлер курулат.

Бул долбоор шаардык инфратүзүмдү жакшыртуу жана жарандар үчүн шарттарды түзүү максатында ишке ашырылат.