Жер көчкүдөн кийин Ак-Терек — Папан — Кожокелең унаа жолу эки тараптуу ачылды. Бул тууралуу ӨКМ билдирди.
20-апрелге караган түнү Ош облусунун Кара-Суу районунунда каттуу жааган жамгырдын кесепетинен аталган унаа жолунун 14-чакырымында жер көчкү жүрүп, натыйжада унаа жолдун айрым жерлери жылып жана чөгүп, жол жабылган.
Тазалоо иштеринин натыйжасында 21-апрель саат 18:00гө карата жол эки тараптуу ачылып, каттам жүрүүдө.
