Жакында Мамлекеттик ипотекалык компанияга (МИК) турак жай алууга байланыштуу арыздарды Tunduk тиркемеси аркылуу бат жана ыңгайлуу түрдө берүүгө мүмкүнчүлүк түзүлөт. Бул тууралуу аталган компания билдирди.
Маалыматта айтылгандай, учурда жарандар арыздарды МИКтин порталы аркылуу берип жатышат.
“Кызмат” мамлекеттик мекемеси бул багыттагы керектүү техникалык чечимдерди иштеп чыккандыгын, учурда Tunduk тиркемесинде аталган кызматты ишке киргизүү акыркы баскычта тургандыгын билдирген.
