Айыл чарба министрлиги чек араларда дарбыз менен коондорду сырттан алып кирүүгө фитосанитардык контроль күчөтүлгөнүн билдирди.
Маалыматка ылайык, бул чара коңшу мамлекеттерден бакча өсүмдүктөрүнүн ташылып киришинин активдүү мезгили, ошондой эле бул продукцияда агрохимикаттардын жол берилген ченемдеринин ашып кетүү тобокелдигинин жогорулашы менен шартталган.
Айыл чарба министрлиги фитосанитардык талаптарды сактабастан өсүмдүктөрдөн алынган продукцияны ташып келүү товардын кармалышына, кайтарылышына же жок кылынышына алып келиши мүмкүн экендигин эскертти.
