Кыргызстандык спортчу айым Айсулуу Тыныбекова уул төрөдү. Бул тууралуу ал соцтармактагы баракчасына билдирди.

“Сүйүнчү, биз эми үчөөбүз! Ар бир каалоо тилек, баталар үчүн үй-бүлөбүздүн атынан ыраазычылык билдиребиз!”-деп жазды ал.

Тыныбекова 2025-жылдын январында спортчу Бакберген Аттокуровго турмушка чыккан. Ал эми 2026-жылдын башында кош бойлуу экенин жарыялаган.

Айсулуу Тыныбекова — дүйнөнүн үч жолку чемпиону жана Азия чемпионатынын алты жолку жеңүүчүсү. Токиодогу Олимпиада оюндарында күмүш, Парижде коло байге жеңген.