Кыргызстандын Соода-өнөр жай палатасы менен Тажикстандын Соода-өнөр жай палатасынын ортосунда Ишкерлер кеңешин түзүү тууралуу макулдашууга кол коюлду. Макулдашуу президент Садыр Жапаровдун Тажикстанга болгон мамлекеттик сапарынын алкагында түзүлгөн.
Документке Кыргызстандын атынан СӨПтүн вице-президенти Авазбек Керимбаев кол койду.
Ишкерлер кеңеши эки өлкөнүн ишкер чөйрөсүнүн ортосундагы түз байланыштарды кеңейтүү, экономикалык кызматташтыкты бекемдөө жана соода-инвестиция жаатындагы биргелешкен долбоорлорду илгерилетүү максатын көздөйт.
