Жогорку Кеңештин депутаты Шайырбек Ташиев депутаттык мандатын тапшыруу үчүн арыз жазды. Бул маалыматты Борбордук шайлоо комиссиясы Reporter.kg редакциясына тастыктады.

Бүгүн 14-мартта БШК Ташиевдин депутаттык ыйгарым укуктарын мөөнөтүнөн мурда токтотуу маселесин карайт. Жыйын түштөн кийин өтөрү күтүлүүдө.

Эскерте кетсек, 13-мартта Шайырбек Ташиев Ички иштер министрлигинде суракта болгон. Ал кайсы иш боюнча сурак бергени тууралуу маалымат берилген эмес. Шайырбек Ташиев – УКМКнын мурдагы жетекчиси Камчыбек Ташиевдин бир тууган иниси.